سپیکرملائیشین پارلیمنٹ نے پارلیمنٹ ہائوس کے سبزہ زار میں میگنولیاگرینڈی فلورا کا پودا لگا یا

اسلام آباد(وقائع نگار خصوصی )ملائیشیا کی پارلیمنٹ کے اسپیکر محمد عارف بن محمد یوسف نے اسپیکر قومی اسمبلی اسد قیصر کے ہمراہ پارلیمنٹ ہائوس کے سبزہ زار میں میگنولیاگرینڈی فلورا کا پودا لگا دیا۔منگل کو ملائیشیا کی پارلیمنٹ کے اسپیکر محمد عارف بن محمد یوسف نے 5رکنی وفد کے ہمراہ پارلیمنٹ ہا وس کا دورہ کیا،اسپیکر قومی اسمبلی اسد قیصر نے اراکین پارلیمنٹ اور قومی اسمبلی کے اعلی افسران کے ہمراہ پارلیمنٹ کے صدر دروازے پر ملائیشین وفد کا استقبال کیا،ملائیشین وفد نے پارلیمنٹ کے سبزہ زار میں میگنولیاگرینڈی فلورا کا پودا لگا کر پاکستان کے ساتھ اپنی گہری وابستگی کا اظہار کیا،اس موقع پر ملائیشیا اور پاکستان کے مابین تعلقات میں فروغ اور امت مسلمہ کی ترقی اور خوشحالی کے لیے خصوصی دعا بھی مانگی گئی۔