کنگ فہد انٹرنیشنل ایئرپورٹ کی دمام میں بجلی منقطع ہوگئی تاہم اس سے پروازیں متاثر نہیں ہوئیں، انتظامیہ نے ریکارڈ وقت میں بجلی بحال کردی۔
انتظامیہ نے یقین دلایا ہے کہ بجلی منقطع ہونے سے پروازوں کی آمد ورفت پر کوئی اثر نہیں پڑا، ہماری ٹیم نے ریکارڈ وقت میں بجلی بحال کردی۔
عاجل ویب سائٹ کے مطابق کنگ فہد انٹرنیشنل ایئرپورٹ دمام نے ٹویٹر کے اپنے اکاؤنٹ پر بیان جاری کرکے مسافروں سے عارضی طور پربجلی کی سہولت منقطع ہونے پر معذرت کی، انتظامیہ نے اسی کے ساتھ توجہ دلائی کہ بجلی منقطع ہونے کا پروازوں پر کوئی اثر نہیں پڑا۔
کنگ فہد ایئرپورٹ نے بتایا کہ بجلی بحال ہوچکی ہے اور سب کچھ معمول کے مطابق ہونے لگے ہیں۔
ایئرپورٹ سے سفر کرنے والے ہمارے شکریہ کے مستحق ہیں جنہوں نے نہ صرف یہ کہ بجلی منقطع ہونے کے مسئلہ پر سوجھ بوجھ کا مظاہرہ کیا بلکہ ہم سے تعاون بھی کیا۔