سینئرسٹیزن ڈے،  ادارہ ’’عافیت‘‘  میں کیک کاٹا گیا

راولپنڈی (سٹاف رپورٹر) سوشل ویلفیئر ڈیپارٹمنٹ پنجاب کی ہدایت پربزرگ شہریوں کے عالمی دن کے حوالے سے بے سہارا اوربزرگ شہریوں کی کفالت کے ادارہ ’’عافیت‘‘ راولپنڈی میں تقریب کا اہتمام کیا گیا،تقریب میںسوشل ویلفیئر اینڈ بیت المال راولپنڈی کے ڈویژنل ڈائریکٹر محمد شاہد رانا ڈپٹی ڈائریکٹرسوشل ویلفیئر راولپنڈی بھی موجود تھے، تقریب کا اہتمام ادارہ عافیت کی انچارج عالیہ چوہدری نے کیاتھا مہمان خصوصی محمد شاہد رانانے بزرگوں سے ملاقات کی اور ادارہ کی بہتری کے لئے مزید بہترین اقدامات کی یقین دہانی کروائی۔ اور ادارہ میں دی جانیوالی سہولیات پر اطمینان کا اظہار کیا سینئرسٹیزن ڈے کے حوالہ سے کیک بھی کاٹا گیا  ۔تقریب میں مقامی یونیورسٹی کے طلبا و طلبات نے بھی بھر پور شرکت کی اور بزرگوں کو تحائف بھی پیش کئے ۔