عالمی شہرت یافتہ قاری الشیخ محمود الشحات آج بادشاہی مسجد میں تلاوت‘ عبدالخبیر آزاد استقبال کریں گے

لاہور (خصوصی نامہ نگار) عالمی شہرت یافتہ نامور قاری الشیخ محمود الشحات انور آج تاریخی بادشاہی مسجد میں ہونے والی محفل حسن قرات میں اپنی خوبصورت آواز میں قرآن مجید کی تلاوت کریں گے۔ یہاں پہنچنے پر چیئرمین رویت ہلال کمیٹی علامہ عبدالخبیر آزاد اور دیگر اہم شخصیات اْن کا استقبال کریں گی۔ مولانا فضل الرحیم اشرفی، مولانا محمد امجد خان، مولانا رشید میاں، مولانا محب النبی، مولانا احمد میاں تھانوی، مولانا نعیم الدین اور مفتی عبدالحفیظ نے کہا ہے کہ جہاں بھی قرآن کریم کی تلاوت کی جاتی ہے۔ اللہ تعالیٰ عذاب کو ٹال دیتے ہیں اور وہاں پر اللہ کی رحمتوں کا نزول ہوتا ہے۔