ہراسانی کیس: ڈی جی پیمرا کی برطرفی برقرار‘ جرمانہ بڑھا کر 25 لاکھ کر دیا

اسلام آباد(نمائندہ خصوصی)صدر مملکت ڈاکٹر عارف علوی نے جنسی ہراسیت کیس میں ڈائریکٹر جنرل پیمرا کو ملازمت سے برطرف  کرنے  سمیت 25 لاکھ روپے جرمانہ کرنے کا حکم دیدیا،صدر مملکت کی جانب سے وفاقی محتسب برائے انسدادِ ہراسیت بمقام ِ کار کا فیصلہ برقرار  رکھتے ہوئے  " ملازمت سے برطرفی" کی بڑی سزا برقرار جبکہ جرمانہ بڑھا کر 20 سے 25 لاکھ روپے کر دیا۔ ایوان صدر میڈیا ونگ کی جانب سے جاری اعلامیہ کے مطابق اپنے حکم میں صدر مملکت نے کہا یہ امر ثابت ہو چکا کہ خاتون ملازم کو ملزم کی جانب سے زبانی، فحش، جنسی اور توہین آمیز تبصروں اور ناجائز مطالبات کے ذریعے ہراساں کیا گیا۔  انہوں نے کہا کہ خواتین کو ملازمت میں ترقی  کے وقت بھی امتیازی سلوک کا سامنا کرنا پڑتا ہے  جبکہاسلام نے خواتین کو بہت زیادہ عزت دی ہے ۔