اسلام آباد (نمائندہ خصوصی) بے نظیر   انکم سپورٹ پروگرام   کے  تحت  سیلاب   سے  متاثرہ  2,373,636  خاندانوں  میں    59ارب  سے  زائد  کی  رقم  تقسیم کر دی گئی ،بینظیر  انکم سپورٹ پروگرام ملک بھر میں سیلاب سے متاثرہ خاندانوں میں 25000 روپے فی خاندان کی مالی امداد تقسیم کر رہا ہے۔ بلوچستان  ،  سندھ،  خیبر  پختونخواہ  ،  پنجاب  اور  گلگت  بلتستان  میں فلڈ ریلیف کیش اسسٹینس کے تحت اب تک مجموعی طور پر 2,373,636 سیلاب سے متاثرہ خاندانوں میں 59,340,900,000 روپے تقسیم کیے جا چکے ہیں۔بلوچستان میں سیلاب سے متاثرہ 176,123    خاندانوں کو 4,403,075,000روپے مل چکے ہیں۔ سندھ میں 1,650,137      خاندانوں کو 41,253,425,000روپے مل چکے ہیں۔ خیبرپختونخوا میں 263,493      خاندانوں کو 6,587,325,000روپے   مل  چکے  ہیں۔  پنجاب کے 283,501       خاندانوں کو 7,087,525,000روپے موصول ہوئے ہیں۔  گلگت  بلتستان   میں  سیلاب  سے  382متاثرہ  خاندانوں  کو    9,550,000روپے  مل  چکے  ہیں۔مجموعی طور پر متاثرہ  51,031    خاندانوں   نے  سیلاب زدہ علاقوں میں قائم مختلف کیمپوں سے نقد امداد  موصول  کی  ہے۔ بینظیر  انکم سپورٹ پروگرام   ہیڈ کوارٹر میں ایک کنٹرول روم قائم کیا گیا ہے تاکہ ادائیگیوں   میں  شفافیت  کو   یقینی بنایا جا سکے۔