راولپنڈی (جنرل رپورٹر) افراتفری کے دور میں ذکر مصطفی ؐ سے جنت کا راستہ ملتا ہے، حُب رسولؐ کی مالا میں پروئے ہوئے مسلمان متحد ہو جائیں ، ان خیالات کا اظہارچیئر مین امن کمیٹی علامہ پیر سید اظہار بخاری نے مرکزی سیرت و میلاد کمیٹی کے رہنماء چیئرمین شیخ ناصر علی ، حافظ اقبال رضوی ،ملک ساجد محمود ، محمود احمد بنگش ، میر قادرسے اظہار خیال کر تے ہوئے کیا، انہوں نے کہا انتظامیہ ماہ ربیع الاول میں امن و امان کو یقینی بنائے ،میلاد النبی ؐکے اجتماعات میں تمام مکاتب فکر کے علماء اتحاد و یگانگت کا پیغام دیں ۔