لاہور(اسپورٹس رپورٹر)آئی سی سی نے سالانہ ویمن ٹی ٹونٹی ٹیم کی رینکنگ جاری کر دی، پاکستان ویمن ٹیم کا رینکنگ میں ساتواں نمبر ہے،آسٹریلیا ویمن کرکٹ ٹیم نے ٹی ٹونٹی رینکنگ میں اپنی پہلی پوزیشن مزید مستحکم کر لی ہے، آسٹریلوی ٹیم 299پوائنٹس کیساتھ پہلے نمبر پر موجود ہے، انگلینڈ ویمن ٹیم کا 281پوائنٹس کیساتھ دوسرا نمبر ہے، نیوزی لینڈ ویمن ٹیم کا تیسرا جبکہ بھارتی ویمن ٹیم کا چوتھا نمبر ہے،رینکنگ میں پانچویں نمبر پر جنوبی افریقہ اور چھٹے پر ویسٹ انڈیز موجود ہے جبکہ سری لنکا آٹھویں، بنگلہ دیش نویں اور آئرلینڈ دسویں نمبر پر ہے۔