جمیکا تلاواز نے کیریبین پریمیئر لیگ کا ٹائٹل اپنے نام کر لیا

لاہور(سپورٹس ڈیسک )جمیکا تلاواز نے بارباڈوس رائلز کو شکست دے کر کیریبین پریمیئر لیگ 2022کا ٹائٹل اپنے نام کر لیا۔ گیانا میں کھیلے گئے ٹورنامنٹ کے فائنل میں بارباڈوس رائلز نے 7وکٹوں پر 161رنز بنائے۔ اعظم خان نے 51رنز کی عمدہ اننگز کھیلی۔ فابیان ایلن اور نکلسن گورڈن نے تین، تین وکٹیں حاصل کیں۔ جمیکا تلاواز نے ہدف 16.1اوورز میں 2وکٹوں پر حاصل کر لیا، برینڈن کنگ نے 83رنز کی دھواں دار اننگز کھیلی، شمرا بروک بروکس 47رنز کیساتھ دوسرے نمایاں بیٹر رہے۔پاکستان کے محمد عامر اور عماد وسیم بھی فاتح ٹیم کے کھلاڑی تھے۔