کراچی (نوائے وقت رپورٹ + مانیٹرنگ ڈیسک) پاکستان کسٹمز نے کراچی ائیرپورٹ پر کارروائی کرتے ہوئے امریکا سے کراچی آنے والے پوسٹل پارسل سے چرس برآمدکر لی۔ کلکٹر کسٹمز کراچی ائیرپورٹ شفیق لاٹکی کے مطابق یہ پارسل پی اینڈ ٹی کالونی کے رہائشی علی رضا کے نام پر تھا، پوسٹل پارسل کا وزن 1500 گرام ہے، اس پارسل سے 468 گرام ہائی کوالٹی کی چرس برآمد ہوئی ہے۔ پارسل امریکی شہر میامی سے احمد رضا نے کراچی کے لیے بک کیا تھا۔ چرس کی مالیت 51 لاکھ 48 ہزار روپے ہے۔ پاکستان پوسٹ کے کراچی ائیرپورٹ پر انٹرنیشنل میل آفس کو یہ پارسل موصول ہوا تھا، مقدمہ درج کر کے تحقیقات شروع کر دی گئی ہیں۔