خیرپور: جھونپڑی میں آگ لگ گئی‘ 2 ننھے بہن بھائی جاں بحق

خیرپور (نوائے وقت رپورٹ) جھونپڑی میں آگ لگنے سے 2 بچے جھلس کر جاں بحق ہوگئے۔ افسوسناک واقعہ خیرپور کی تحصیل نارا کے ریگستانی علاقے میں پیش آیا۔ پولیس ذرائع کے مطابق جاں بحق ہونے والے بچوں میں 5 سالہ حسنین اور ایک سالہ بچی شہمیراں جاگیرانی شامل ہے‘ دونوں بھائی بہن تھے۔ آگ لگنے سے گھر کا تمام سامان جل کر خاکستر ہوگیا۔ اہل خانہ کھلے آسمان تلے رہنے پر مجبور ہو گئے۔ پولیس کے مطابق حادثہ دیرینہ دشمنی کا شاخسانہ بتایا جارہا ہے جس کی تفتیش جاری ہے۔