لاہور(سپورٹس رپورٹر)قائداعظم ٹرافی میں ایک اننگز میں پانچ سنچریاں سکور کرنے کا ریکارڈ بن گیا۔ قذافی سٹیڈیم لاہور میں لاہور وائٹس کے پہلی اننگز میں 509 رنز کے جواب میں کراچی وائٹس کے بیٹرز خرم منظور، عماد عالم، اسد شفیق، رمیز عزیز اور سرفراز احمد نے ایک ہی اننگز میں سنچریاں داغ دیں۔ فرسٹ کلاس کرکٹ بشمول ٹیسٹ میچز کی تاریخ میں پانچویں بار ایک اننگز میں 5 سنچریاں بنیں ہیں۔1945 ءمیں رانجی ٹرافی میں میسور کےخلاف ہولکر کی اننگز میں 6 سنچریاں تھیں ۔ 1955 ءمیں آسٹریلیا نے ویسٹ انڈیز اور 2001 ءمیں پاکستان نے بنگلہ دیش کےخلاف ایک ٹیسٹ اننگز میں 5، 5 سنچریاں سکور کیں۔