لاہور (خصوصی نامہ نگار) تحریک لبیک یارسول اللہ صلی اللہ علیک وسلم و تحریک صراط مستقیم کے زیر اہتمام گرہ گراونڈ میں عظیم الشان’’ عشق رسول  کانفرنس‘‘ کا انعقاد کیا گیا۔ کانفرنس کی صدارت حضرت خواجہ محمد افتخار الحسن سجادہ نشین آستانہ عالیہ سواگ شریف نے کی جبکہ استاذ المدرسین حضرت مفتی محمد فضل الرحمٰن بندیالوی مہمان خصوصی تھے۔  تحریک لبیک یارسول اللہؐ کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے کہا  عشق رسول  ایمان کی جان ہے۔ محبت رسول میں جینے اور مرنے میں چاشنی ہی چاشنی ہے۔ آج پوری دنیا پر غلبہ اسلام محبت رسولؐ کی بدولت ہی ہو سکتا ہے۔ اْمت مسلمہ میں آدابِ رسالت کی تبلیغ نہایت ضروری ہے۔