نارنگ منڈی: چوری ڈکیتی کی وارداتیں شہری نقدی‘ موٹرسائیکلوں سے محروم

نارنگ منڈی( نمائندہ نوائے وقت) شہر اورگردونواح میں چوری اور ڈکیتی کی وارداتوں کا سلسلہ جاری ہے۔ شہری 4 موٹرسائیکلوں سے محروم ہو گئے۔ کوٹلی ورکاں کا رہائشی احتشام بہن کو لیکر جئے سنگھ والا جارہاتھا ڈاکوؤں نے موٹرسائیکل‘ 30 ہزار روپے اور موبائل چھین لیا۔ ظفر سٹریٹ کا رہائشی رضوان سبزی لینے گیا ریلوے سٹیشن پر موٹرسائیکل کھڑی کی جو چوری ہو گئی۔ سہنی افغاناں کا رہائشی شاہد منیر کوٹلی کوروٹانہ کی طرف جارہاتھا ڈاکوؤں نے 33 ہزار روپے ‘ موبائل اور موٹرسائیکل چھین لی محلہ مظفرآباد میں چور ساجد کی دکان کے تالے توڑ کر 10500 روپے لے گئے۔ ماڑی گاؤں میں دکان کے تالے توڑ کر 45 ہزار روپے اور سامان لے گئے پولیس نے مقدمات درج کرلئے۔