انگلش کرکٹ ٹیم کی آج پاکستان آمد، سکیورٹی پلان تیار

لاہور(سپورٹس رپورٹر)انگلینڈ کرکٹ ٹیم پاکستان کیخلاف ٹیسٹ سیریز کیلئے آج ملتان پہنچے گی۔مہما ن کھلاڑیوں کو سپیشل سکیورٹی میں ملتان پہنچایا جائیگا۔ قومی ٹیسٹ سکواڈ کے کھلاڑیوں نے ملتان میں رپورٹ کردی ہے۔ آج سے تیاریوں کا آغاز ہوگا۔ پاکستان اور انگلینڈ کے ملتان ٹیسٹ میچ کے حوالے سے سکیورٹی پلان جاری کردیا گیا ہے۔ ٹیسٹ سیریز کا ‘غاز 7 اکتوبر سے ملتان کرکٹ سٹیڈیم میں ہوگا۔ ملتان ٹیسٹ میچ میں 5 ہزار سے زائد پولیس افسران اور جوان ڈیوٹی دیں گے،  شائقین کو سٹیڈیم تک خصوصی شٹل بس سروس کے ذریعے پہنچایا جائیگا۔ ٹیسٹ سیریز کیلئے قومی سپورٹ سٹاف کا اعلان کردیا ہے۔نوید اکرم چیمہ کو ٹیم کا منیجر ‘،جیسن گلیسپی  ہیڈکوچ ‘اظہر محمود اسسٹنٹ کوچ اورٹم نیلسن ہائی پرفارمنس کوچ ہونگے۔ کھلاڑیوں کی فٹنس رپورٹ کا جائزہ لینے کے بعد انگلینڈ کیخلاف 11 رکنی ٹیم کا اعلان ہوگا۔کھلاڑیوںفٹنس ٹیسٹ دوبارہ لئے گئے تھے ۔