نارنگ منڈی کے 7 افراد قلعہ کالر والا میں دیرینہ دشمنی پر قتل

سیالکوٹ+ نارنگ منڈی+ فیروز والا (نمائندگان) دیرینہ دشمنی اور اراضی کے تنازع پر مخالفین نے فائرنگ کر کے 7 افراد کو موت کے گھاٹ اتار دیا۔ تفصیلات کے مطابق نارنگ منڈی کے نواحی گاؤں ماڑی کلاں کا رہائشی بابر میو سیالکوٹ میں ہمشیرہ کے جنازے میں شرکت کے بعد واپس آرہے تھے کہ تھانہ قلعہ کالر والہ کے علاقہ مالو کے بھلی میں کار سوار مخالفین نے فائرنگ کر دی جس کے نتیجہ میں 50 سالہ قاری اشفاق‘ 35 سالہ نثار‘ انور‘ ماسٹر شفاقت‘ فلک شیر نیکا اور ڈرائیور سلیم ساکنان ماڑی کلاں موقع پر جاں بحق ہو گئے۔ لاشوں کو پولیس نے تحویل میں لے کر پوسٹ مارٹم کے لئے ہسپتال منتقل کر دیا۔