ریلوے پولیس میں خالی اسامیوں کی تعداد3 ہزار سے  زائد ہو گئی 

لاہور (سٹاف رپورٹر)پاکستان ریلوے پولیس میں خالی ہونے والی اسامیوں کی تعداد3ہزار سے زائد ہو گئی ہے۔ذرائع ریلوے پولیس کے مطابق ریلویز پولیس کی منظور شدہ نفری تقریباً 7300 کے قریب ہے جبکہ حاضر نفری کی تعداد تقریباً 4200 ہے۔اس لحاظ سے ریلویز پولیس کی تقریباً 3 ہزار سے زائد اسامیاں خالی پڑی ہیںجس سے ملک بھر میں قائم ریلوے سٹیشنوں ،ریلوے ٹریک ،ریلوے تنصیبات اور ٹرینوں کی سکیورٹی انتہائی مشکل ہوتی جا رہی ہے ۔