منتظمین اور مختلف میلاد کمیٹیوں میں تقسیم انعامات کی تقریب

 راولپنڈی (اپنے سٹاف رپورٹر سے )جشن عید میلاد النبیؐ کینٹ کے جلوس میں احسن خدمات پر منتظمین اور مختلف میلاد کمیٹیوں میں تقریب تقسیم انعامات کی پروقار روحانی تقریب کا انعقاد میلاد کمیٹی عاشقان مصطفی کے زیر اہتمام گروٹی میں ہوا تقریب میں مہمان خصوصی ممبر کینٹ بورڈ حاجی ظفر اقبال، صاحبزادہ غلام محمد چشتی، حافظ غلام مرتضی شاکر،دانش ہارونی،حاجی یونس،خلیفہ غلام رسول سمیت  علماء  مشائخ اور  مختلف میلاد کمیٹیوں و معززین علاقہ کی کثیر تعداد نے شرکت کی۔تقریب میں جلو س عید میلاد النبی ؐکینٹ اور ختم نبوت ریلی کے منتظمین و میلاد کمیٹیوں کی اعلی خدمات  پر انعامات تقسیم کیے گئے۔حاجی ظفر اقبال نے خطاب کرتے ہوئے کہا کہ نبیؐکے میلاد کے انتظامات میں خدمات  اد کرنے والے عاشقان رسول خراج تحسین کے مستحق ہیں ۔