کراچی میں گزشتہ روز صدر کے علاقے میں عزاداروں کے جلوس پر ایک عمارت سے فائرنگ کی گئی۔ جس کے نتیجے میں میں سات افراد زخمی ہوگئے تھے۔ زخمیوں کو فوری طور پر کراچی کے سول اور جناح ہسپتال منتقل کیا گیا۔ ہسپتال ذرائع کے مطابق تمام زخمیوں کی حالت اب خطرے سے باہر ہے۔ واقعہ کے بعد پولیس نے چند افراد کو حراست میں لینے کا دعویٰ بھی کیا ہے ۔ تاہم عمارت سے گرفتار کئے جانے والے افراد سے کسی قسم کا اسلحہ برآمد نہیں ہوا اور نہ ہی تاحال اس واقعہ کا مقدمہ درج ہوسکا ہے۔