ماریہ شراپوا‘ڈیوڈ فیرر کا یو ایس اوپن ٹینس میں سفر اختتام پذیر

نیویارک (سپورٹس ڈیسک) کیرولین ووزنیاکی نے روس کی ماریہ شراپوا کا یوایس اوپن میں سفرتمام کردیا۔ راجرفیڈرر، جائلزسمن اورگریگوردمتروونے پری کوارٹرفائنل میں جگہ بنالی۔نیویارک میں جاری سال کے آخری گرینڈ سلم ایونٹ کے ویمنزسنگلزکے چوتھے راونڈ میں ڈنمارک کی کیرولین ووزنیاکی نے فرنچ اوپن چیمپیئن ماریہ شراپوا کا قصہ تمام کردیا۔ ووزنیاکی نے چھ دو، دوچھ اورچھ دوکے سکورکے ساتھ فتح سمیٹی۔ مینزسنگلزمیں سیکنڈ سیڈ راجرفیڈررنے ایک سیٹ کے خسارے میں جانے کے باوجود سپین کے مارسیل گرینولرزکوچارچھ، چھ ایک، چھ ایک اورچھ ایک سے مات دے کرچوتھے راونڈ میں جگہ پکی کی۔ فرانس کے جائلزسمن نے فورتھ سیڈ سپین کے ڈیوڈ فیررکواپ سیٹ شکست دیکراگلے مرحلے کیلئے کوالیفائی کرلیا۔ فرنچ کھلاڑی نے چارسیٹ کے مقابلے کے بعد چھ تین، تین چھ، چھ ایک اورچھ تین سے کامیابی سمیٹی۔بلغاریہ کے گریگوردمترووبیلجئیم کے ڈیوڈ گوفن کوصفرچھ، چھ تین، چھ چاراورچھ ایک سے مات دے کرپری کوارٹرفائنل میں پہنچ گئے۔