کراچی (اسٹاف رپورٹر) ”نوجوانوں راشد مہناس شہید کو اپنا رول ماڈل بنائیں اور ملک و ملت کی ترقی و استحکام اور اسکی بقاءسلامتی کیلئے اپنی تمام ترصلاحیتیں بروئے کار لائیں اور اس راہ میں اگر راشد منہاس کی طرح جسم و جاں کی قربانی بھی دینی پڑے تو اس سے بھی گریز نہ کریں ان خیالات کا اظہار انجمن اتحاد عباسیہ ضلع شرقی کے سرپرست و کراچی یونیورسٹی کو آپریٹو ہاﺅسنگ سوسائٹی کے سیکریٹری و معروف ماہر تعمیرات و علمی و ادبی اور سماجی شخصیت ظہیر الدین عباسی نے گذشتہ روز الرحمان گرامر اسکول اور الرحمن اکیڈمی کے اشتراک سے قومی ہیرو راشد منہاس شہید (نشان حیدر) کے 46ویں یوم شہادت کی مناسبت سے منعقدہ تقریب سے بحیثیت مہمان خصوصی اپنے خطاب کے دوران کیا۔اس موقع پر صدر تقریب ڈاکٹر ایوب عباسی الرحمان گرامر اسکول کے سربراہ غلام مصطفی صابر،معروف محقق و دانشور پروفیسر تنویر ملک ،الرحمن اکیڈمی کے ایڈمنسٹریٹر شفیق احمد عباسی ،فوکس گرامر اسکول کے سربراہ ایم ۔اے نعیم ،کراچی فاﺅنڈیشن اکیڈمی کے پرنسپل مختار اجمیری ،رضا عباسی،افتخار آفریدی ،اکرم عباسی ، محمد ایوب عباسی،اشرف عباسی، رضا عباسی ودیگر نے بھی خطاب کیا ۔