لاہور(نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیا۔ تفصیلات کے مطابق ڈاکوؤں نے شادمان میں اکبر کے گھرگھس کر اہلخانہ کو یرغمال بنا کر 6لاکھ روپے، کاہنہ میں جنید کے گھر سے 4لاکھ روپے، ڈیفنس بی میں صابر کے گھر سے 3لاکھ روپے نقدی، طلائی زیورات، موبائل فون اور دیگر سامان، ماڈل ٹائون میں شرافت کی فیملی کو یرغمال بنا کر 4لاکھ روپے، سمن آباد میں مجاہد کی فیملی سے 2لاکھ روپے، ہربنس پورہ میں ناظم کی فیملی سے ڈیڑھ لاکھ روپے مالیت کی نقدی، طلائی زیورات اور موبائل فون لوٹ لئے ہیں جبکہ راہزنی کی7وارداتوں میں شہریوں سے ہزاروں روپے نقدی اور موبائل فون لوٹ لئے۔ چوروں نے ماڈل ٹا ئون اور شیرا کوٹ کے علاقوں سے دو کاریں جبکہ مناواں ،نو لکھا ،شاد باغ ،شادمان اور فیکٹری ایر یاکے علاقوں سے پانچ موٹرسائیکلیں چوری کرلی ہیں۔