مختلف وزارتوں اور ڈویژنوں کیلئے ایک کھرب 18ارب سے زائد کے فنڈز جاری

اسلام آباد (اے پی پی) وزارت منصوبہ بندی، ترقی و اصلاحات نے سرکاری شعبے کے ترقیاتی کاموں کے سلسلے میں مختلف وزارتوں اور ڈویژنوںکے ترقیاتی منصوبوں کے لئے مجموعی طور پر اب تک ایک کھرب 5 ارب 42کروڑ 49 لاکھ روپے سے زائدکے فنڈز جاری کئے ہیں، حکومت نے سرکاری شعبے کے ترقیاتی کاموں کے لئے رواں مالی سال کے لئے 6 کھرب50 ارب روپے کے فنڈز مختص کر رکھے ہیں۔ وزارت منصوبہ بندی، ترقی و اصلاحات نے سرکاری شعبے کے ترقیاتی پروگراموں میں کابینہ ڈویژن کے لئے مجموعی طور پر اب تک 13 ارب 48 کروڑ روپے سے زیادہ کے فنڈزجاری کردیئے ہیں، حکومت نے ڈویژن کے ترقیاتی کاموں کے لئے رواں مالی سال کے لئے 47 ارب 80 کروڑ روپے کے فنڈز مختص کئے ہیں۔پلاننگ کمیشن کے جاری اعداد وشمار کے مطابق حکومت نے ایرا کے لئے 30کروڑ، گلگت بلتستان بلاک کے لئے 4 ارب 45کروڑ، اے جے کے بلاک کے لئے4 ارب 96کروڑ، این ایچ اے کے لئے 20 ارب 91کروڑ، این ٹی ڈی سی (پیپکو) کے لئے2 ارب 39کروڑ، واٹر ریسورس ڈویژن کے لئے 13 ارب 55کروڑ، سائنس اینڈ ٹیکنالوجیکل ریسرچ ڈویژن کے لیے 86کروڑ 16 لاکھ، ریونیو ڈویژن کے لئے 28کروڑ 34 لاکھ، ریلویز ڈویژن کے لئے 4 ارب 70 کروڑ، پاورٹی ڈویژن کے لئے 2 کروڑ 70 لاکھ، پلاننگ کمیشن کے لئے 70 کروڑ 90 لاکھ، پٹرولیم ڈویژن کے لئے 35کروڑ 72 لاکھ، پاکستان نیوکلیئر اتھارٹی کے لئے7 کروڑ، قومی تاریخ وادبی ورثہ ڈویژن کے لئے3 کروڑ89 لاکھ ، صحت ڈویژن کے لئے2 ارب 30کروڑ75 لاکھ، نیشنل فوڈ سکیورٹی ریسرچ ڈویژن کے لئے 2 ارب 40کروڑ، نارکوٹکس ڈویژن کنٹرول کے لئے ایک کروڑ، میری ٹائم افیئرڈویژن کے لئے 27 کروڑ 97 لاکھ، لاء جسٹس ڈویژن کے لئے 19 کروڑ 82 لاکھ، داخلہ ڈویژن کے لئے 2 ارب 95کروڑ، بین الصوبائی رابطہ ڈویژن 18 کروڑ 58 لاکھ، انفارمیشن ٹیکنالوجی اور ٹیلی کام ڈویژن کے لئے ایک ارب 8کروڑ 51 لاکھ، انفارمیشن اینڈ براڈکاسٹنگ ڈویژن کے لئے 6 کروڑ 21 لاکھ، صنعت وپیداوار ڈویژن کے لئے16کروڑ، انسانی حقوق ڈویژن کے لئے 5کروڑ 12 لاکھ، ہاو ¿سنگ اینڈ ورکس ڈویژن کے لئے ایک ارب74 کروڑ 73 لاکھ، ہائر ایجوکیشن کمیشن کے لئے 5 ارب 61کروڑ، فارن افیئرز ڈویژن 20 لاکھ، فنانس ڈویژن کے لئے 12 ارب 93کروڑ، وفاقی تعلیم و پیشہ وارانہ تربیت ڈویژن کے لئے89کروڑ 52 لاکھ، اسٹیبلشمنٹ ڈویژن کے لئے 5 کروڑ 65 لاکھ، ڈیفنس پروڈکشن ڈویژن کے لئے 31 کروڑ58 لاکھ، ڈیفنس ڈویژن کے لئے 13 کروڑ 20 لاکھ، کمیونیکیشن ڈویژن کے لئے 5کروڑ، موسمیاتی تبدیلی ڈویژن کے لئے ایک ارب، کامرس ڈویژن کے لئے 2 کروڑ، کابینہ ڈویژن کے لئے 13 ارب 48 کروڑ، سرمایہ کاری بورڈ کے لئے ایک کروڑ 60، ایوی ایشن ڈویژن کے لئے 21کروڑ 95 لاکھ روپے سمیت مختلف ترقیاتی منصوبوں کے لئے فنڈز جاری کردیئے گئے ہیں۔