کراچی(اسٹاف رپورٹر)وزیر اعظم عمران خان جمعہ4 ستمبر کو خصوصی دورے پر کراچی پہنچیں گے،ذرائع کے مطابق دورے کے دوران وزیراعظم کراچی کے لیے خصوصی پیکج کا اعلان کریں گے۔ذرائع نے اس ضمن میں بتایاکہ وزیر اعظم کراچی کے انفرا اسٹرکچر کی بحالی کے منصوبوں کا بھی اعلان کریں گے، دورے کے دوران وزیر اعظم گورنرہائوس کراچی میںشہرکے تمام اسٹیک ہولڈرز کے ساتھ ملاقاتیں بھی کریں گے، اتحادی جماعتوں کے رہنمائوں سے بھی ملاقات متوقع ہے۔ذرائع کے مطابق ملاقات میں کراچی کے لیے مجوزہ منصوبوں اور فنڈز پر مشاورت ہوگی، وزیر اعظم بارشوں سے نقصانات اور صورت حال پر خصوصی اجلاس کی صدارت بھی کریں گے۔