کرونا ایس او پیز پرعملدرآمد کیلئے تھانوں کی سطح پر ٹیمیںتشکیل 

لاہور(نامہ نگار)ڈی آئی جی آپریشنز لاہور کیپٹن (ر)سہیل چودھری نے کہا کہ لاہور پولیس کی طرف سے الائیڈڈیپارٹمنٹس کے ساتھ مکمل تعاون اورقانون کی عملداری کیلئے اقدامات کئے جارہے ہیں۔ ایس ایس پی آپریشنز وقار شعیب قریشی کی زیر نگرانی ضلعی انتظامیہ کی معاونت کیلئے تھانوں کی سطح پر ٹیمیںتشکیل دی گئی ہیںجو کرونا وباء کی چوتھی لہر کے ممکنہ خدشات کے پیش نظر ضلعی انتظامیہ کے ہمراہ شہر بھر میں ایس او پیز پر عملدرآمد یقینی بنائیں گی۔پولیس ٹیمیں پرائس کنٹرل، کرونا ویکسینیشن چیکنگ اور ایس او پیزکے نفاذ میں ضلعی انتظامیہ کی مدد کریں گی۔انفورسمنٹ کمیٹی کیلئے تھانوںکی سطح پر دو، دو جوان رہنمائی اور کوآرڈینیشن کے لئے مقرر کئے گئے ہیں۔ کسی بھی ہنگامی صورتحال میں پولیس کی تشکیل کردہ ٹیم فوری رسپانڈ کرتے ہوئے قانون شکنی و کارروائی میں خلل ڈالنے والوں کو گرفتارکرے گی۔