لاہور (لیڈی رپورٹر) حمایت اسلام ڈگری کالج برائے خواتین نے انجمن حمایت اسلام کے قائداعظم ہال میں پاکستان کی پلاٹینم جوبلی تقریبات کا انعقاد کیا، طالبات نے ملی نغمات، اردو اور انگلش میں تقاریر اور ٹیبلو پیش کر کے تحریکِ آزادی کے رہنماؤں، کارکنوں، مفکرِ اسلام علامہ اقبال اور قائداعظم محمد علی جناح کو خراجِ تحسین پیش کیا۔ اس موقع پر کیک بھی کاٹا گیا۔صدرِ انجمن سیّد ضیا حیدر رضوی نے تعلیم اور ہنر کو محنت سے انجام دینے کی تلقین کرتے ہوئے کہا کہ تمام طالبات کو نصاب کے علاوہ فنی تعلیم کے زیور سے بھی آراستہ کیا جائے گا تاکہ وہ اپنے شوہر کے شانہ بہ شانہ ملک کے لیے خدمات انجام دے سکیں اور اپنے خاندان کا معیارِ زندگی مزید بہتر بنا پائیں۔ چیئرمین کالج کمیٹی ایس ایم اشفاق نے ٹیبلو میں حصہ لینے والی طالبات کیلئے 20ہزار روپے انعام کا اعلان بھی کیا۔ آخر میں حمایت اسلام ڈگری کالج برائے خواتین کی جانب سے معزز مہمانوں کو تحائف پیش کئے گئے۔