نیشنل ٹی ٹونٹی کپ : سنسنی خیز مقابلہ ‘خیبر پی کے نے ناردرن کو ایک رن سے ہرا دیا

لاہور(سپورٹس رپورٹر) پاکستان کرکٹ بورڈ کے زیر اہتمام نیشنل ٹی ٹونٹی کپ میں سدرن پنجاب نے بلوچستان اور خیبر پی کے نے ناردرن ٹیم کو شکست دیدی ۔ راولپنڈی میں کھیلے جارہے ایونٹ کے میچ میں سدرن پنجاب نے 6وکٹوں پر 156رنزبنائے ۔ شرون سراج نے 57رنز ناٹ آئوٹ کی اننگز کھیلی ۔ یاسر شاہ نے تین کھلاڑیوں کو آئوٹ کیا ۔ بلوچستان کی ٹیم 8وکٹوں پر 135رنز بناسکی ۔ اسد شفیق 43رنز بناکر نمایاں رہے ۔ آغا سلمان نے تین کھلاڑیوں کو آئو ٹ کیا ۔ شرون سراج کو میچ کا بہترین کھلاڑی قرار دیا گیا ۔ دوسرے میچ میں خیبر پی کے نے سنسنی خیز مقابلے کے بعد ناردرن کو ایک رن سے شکست دیدی ۔ فاتح ٹیم نے 8وکٹوں پر 159رنز بنائے ۔صاحبزادہ فرحان نے 53رنز کی اننگز کھیلی۔ سلمان ارشاد اور عثمان شنواری نے تین تین کھلاڑیوں کو آئوٹ کیا ۔ ناردرن ٹیم 5وکٹوں پر 157رنز بناسکی ۔ حسن نواز 38رنز بناکر نمایاں رہے ۔ مین آ ف دی میچ خالد عثمان نے دو کھلاڑیوں کوآئوٹ کیا ۔