چیمپئنز ون ڈے کپ ‘فیصل آباد سٹیڈیم میں شائقین کا داخلہ مفت

 لاہور(سپورٹس رپوٹر)چیمپئنز ون ڈے کپ 12 ستمبر سے فیصل آباد میں شروع ہو رہا ہے جس میں 5 ٹیمیں شریک ہوں گی اور تمام میچز اقبال سٹیڈیم میں کھیلے جائیں گے۔پاکستان کرکٹ بورڈ کے چیئرمین محسن نقوی نے اعلان کیا  کہ شائقین چیمپئنز ون ڈے کپ کے آخری چار میچوں کے علاوہ تمام میچز مفت دیکھ سکیں گے۔ محسن نقوی نے کہا کہ فیصل آباد کے باسی کرکٹ کے کھیل سے محبت کرتے ہیں۔ فیصل آباد میں کسی بڑے ٹورنامنٹ میں پاکستان کے ٹاپ کھلاڑی ایکشن میں ہونگے۔ کھلاڑیوں کے فٹنس ٹیسٹ کا مرحلہ کامیابی سے مکمل ہو گیا ہے۔