لاہور(سپورٹس رپورٹر)پیرس اولمپکس 2024ء میں پاکستان کیلئے انفرادی طور پر پہلا گولڈ میڈل جیتنے والے ارشد ندیم نے کہاہے کہ میں 10 مرتبہ پاکستان کیلئے ریکارڈ قائم کر چکا ہوں۔مجھے خوشی ہے کہ میں نے ریکارڈ کیساتھ گولڈ میڈل جیتا، میں نے بھی سکول کی سطح سے کھیل کا آغاز کیا تھا، میں نے مختلف کھیلوں میں بیک وقت حصہ لیا۔ میں نے 2015ء سے قومی سطح کے مقابلے شروع کیے اور 10 مرتبہ پاکستان کیلئے ریکارڈ قائم کر چکا ہوں۔ اتھلیٹ نے بچوں کو پیغام دیتے ہوئے کہا کہ بچوں کیلئے یہی پیغام ہے کہ میں محنت سے یہاں پہنچا ہوں، میرے گھٹنے اور کہنی کا آپریشن ہوا، سرجریز کیساتھ محنت کی، کوچ اور ڈاکٹر نے میرے ساتھ بہت کام کیا، میں نے اولمپکس کیلئے براہ راست کوالیفائی کرنے کا اعزاز حاصل کیا۔