لاہور(سپورٹس رپورٹر) پاکستانی فاسٹ بائولر خرم شہزاد نے قومی بیٹرز سے لمبی اننگز کی امیدیں لگالی ہیں۔انہوںنے کہاکہ پہلے ٹیسٹ کی نسبت دوسرے ٹیسٹ کی پچ الگ ہے۔  پاکستان کی بیٹنگ ایسی ہے کہ اچھا سکور کرسکتے ہیں۔ پاکستان دوسرے ٹیسٹ کو جیتنے کیلئے کھیلے گا، بابراعظم و دیگر کھلاڑیوں سے رنز سکور کرنے کی امید ہے۔ بیٹنگ لائن پر پورا اعتماد ہے انشاء اللہ جیت کی طرف جائیں گے۔ پریس کانفرنس کرتے ہوئے خرم شہزاد نے کہا کہ وکٹ مددگار تھی، کوشش تھی جب بنگلہ دیش کی پارٹنر شپ چلی تو اس کو تحمل سے بریک کریں۔ مثبت رہنے کی کوشش کرتے ہیں اور بطور پروفیشنل ہر صورتحال کیلئے تیار رہتے ہیں، میرا خواب ہے پاکستان کیلئے طویل ٹیسٹ کرکٹ کھیلوں اور ملک کا نام روشن کروں۔