گوجرانوالہ(نمائندہ خصوصی)گیس لیکج کے باعث گھر میں آگ لگنے سے ایک ہی خاندان کے چار افراد جھلس گئے۔ لیاقت روڈ کے رہائشی شاہد کے گھر گیس لیکج کے باعث اچانک آگ بھڑک اٹھی جسے بجھانے کی کوشش میں شاہد اسکی بیوی فضیلت بی بی اور بیٹیاں انسہ اور فرخ بری طرح جھلس گئے جبکہ واقعہ کی اطلاع پاکر ریسکیو اہلکار جائے حادثہ پر پہنچ گئے جنہوں نے فوری طور پر آگ پر قابو پایا اور متاثرین کو ہسپتال منتقل کیا جہاں پر انہیں طبی امداد فراہم کی جارہی ہے۔