سرگودھا(این این آئی) خاتون کے شادی سے انکار پرگھر میں گھس کر فائرنگ کر کے تین خواتین ماں بیٹی اور بہو کو قتل کرنے والے سفاک قاتل کو گرفتار کر لیا گیا۔وزیراعلی پنجاب نے واقعہ کا نوٹس لیکر رپورٹ طلب کر کے قاتل کی فوری گرفتاری کا حکم دیا تھا۔پاکپتن کے علاقہ نئی آبادی فتح پور میں نوجوان نے گھر میں گھس کر فائرنگ کر کے 3 خواتین 40 سالہ شریفاں بی بی اسکی 25 سالہ بہو کالو بی بی اور 22 سالہ بیٹی روبینہ بی بی کو انتہائی بے دردی سے قتل کر دیا اور فرار ہو گیا جس کا وزیراعلی پنجاب مریم نواز شریف نے نوٹس لیتے ہوئے رپورٹ طلب کر کے قاتل کی فوری گرفتاری کا حکم دیا جس پر تھانہ صدر پولیس نے تہرے قتل کے سفاک ملزم کو گرفتار کر لیا جس نے خواتین کے قتل کا اعتراف جرم کرلیا جو 40 سالہ مقتولہ شریفاں بی بی سے شادی کا خواہشمند تھا جس  کے انکار پر ملزم نے گھر میں گھس کر 3 خواتین ماں بیٹی اور بہو کو گولیاں مار کر قتل کر دیا جس سے پولیس مصروف تفتیش ہے۔