اوکاڑہ: پولیس کو دیکھ کر 2 ڈاکوؤں  کی نہر میں چھلانگیں‘ ایک ڈوب گیا

اوکاڑہ (نامہ نگار) گرفتاری سے بچنے کے لئے دو ڈاکوئوں نے نہر لوئر باری دوآب میں چھلانگ لگا دی۔ ایک ڈاکو کو بچا لیا گیا دوسرا ڈوب گیا۔ تفصیلات کے مطابق دو ڈاکو سکندر روڈ اوکاڑہ پر نہر لوئر باری دوآب کے کنارے بیٹھے ہوئے تھے کہ پولیس کو دیکھتے ہوئے گرفتاری سے بچنے کے لئے مبینہ ڈاکوئوں نے نہر لوئر باری دوآب میں چھلانگیں لگا دیں ۔  چند لوگوں نے ڈاکوؤں کو بچانے کے لئے نہر میں چھلانگیں لگا  دیں اور ایک ڈاکو کو باہر نکال لیا۔