ماسکو(این این آئی)روس کا ایم آئی ایٹ ہیلی کاپٹر اڑان بھرنے کے بعد کم چٹکا کے علاقے میں لاپتا ہوگیا، حکام کا کہنا ہے کہ ہیلی کاپٹر میں عملے سمیت 22 افراد سوار تھے۔روسی میڈیا کا کہنا تھاکہ حکام نے کرمنل کیس کے تحت واقعے کی تحقیقات شروع کردی ہے جس میں ٹریفک سیفٹی قوانین اور فضائی ٹرانسپورٹ آپریشن کی خلاف ورزی جیسی شقیں بھی شامل ہیں۔غیرملکی خبر  رساں اداروں کے مطابق 40 سے زائد اہلکار لاپتا ہیلی کاپٹر کی تلاش میں ہیں، خراب موسم اور شدید دھند کے باعث ہیلی کاپٹر کا پتا نہیں لگایا جاسکا۔روسی میڈیا کے مطابق حکام کا کہنا تھا کہ خراب موسم کے باعث ہیلی کاپٹر سے رابطہ بھی ممکن نہیں ہو پارہا۔