دوکان سے چار قیمتی  موبائل فونز چوری 

کلر سیداں (نامہ نگار)کلر سیداں کے نواحی قصبہ دوبیرن کلاں میں فون چارجر دیکھنے کے بہانے دو نامعلوم ملزمان نے دوکان سے چار عدد قیمتی موبائل فونز چوری کر لیئے۔دکان کے مالک عنصر محمود نے بتایا کہ اتوار کی صبح ساڑھے 8بجے کے قریب ان کا 13سالہ بیٹا دکان پر موجود تھا کہ اسی دوران دو نامعلوم افراد دکان میں داخل ہوئے اور موبائل فون چارجر دکھانے کو کہا اور اسی دوران انہوں نے دکان سے چار عدد ڈبہ پیک موبائل فونز چوری کر لئے ادہر نواحی دیہات ممیال اور کلیال میں قائم دو سرکاری تعلیمی اداروں سے پانی کی میزائل موٹریں چوری کر لی گئیں جبکہ ٹی ایچ کیو ہسپتال کلر سیداں میں واٹر ٹینک پر نصب پانی کی موٹر چوری کر لی گئی۔