راولپنڈی(اپنے سٹاف رپورٹر سے)بنی کے علاقہ میں خاتون پر تشدد کے واقعہ پر،سی پی او کا نوٹس، تشدد میں ملوث خاتون کے شوہر ذوہیب کو گرفتارکرلیا گیا، واقعہ پر سی پی او سید خالد ہمدانی نے نوٹس لیتے ہوئے فوری قانونی کارروائی اور ملزم کی گرفتاری کا حکم دیا تھا، بنی پولیس نے فوری کارروائی کرتے ہوئے ملزم ذوہیب کو گرفتار کیا، سی پی او سید خالد ہمدانی کا کہنا تھاکہ خواتین اور بچوں پر تشدد، زیادتی یا ہراسمنٹ برداشت نہیں کئے جا سکتے،وزیر اعلی پنجاب کے ویژن کے مطابق خواتین اور بچے ریڈ لائن ہیں۔