راولپنڈی(پنے سٹاف رپورٹر سے)تھانہ صادق آباد کے علاقے رحمان آباد میں ڈکیتی کی واردات کے دوران ڈاکوئوں نے فائرنگ کرکے شہری کو زخمی کردیا پولیس نے بتایا کہ میٹرو بس سٹیشن کے قریب ڈاکوئوں نے سید زرنین سے گن پوائنٹ پر پرس اور موبائل فون چھین لئے اس دوران ڈاکوئوں نے فائرنگ کردی پائوں میں گولی لگنے سے وہ شدید زخمی ہوگیا ڈاکو واردات کے بعد فرارہوگئے جبکہ زخمی شہری کو طبی امداد کیلئے بینظیر بھٹو ہسپتال منتقل کردیا گیا پولیس نے کہا کہ متاثرہ شہری کال سینٹر سے چھٹی کرکے گھر واپس جارہا تھا وقوعہ کی اطلاع ملنے پر پولیس جائے وقوعہ پر پہنچ گئی.