صوبہ پنجاب میں ڈینگی کے وار تیز ،24گھنٹوں میں 10 کیسز رپورٹ

 گزشتہ 24 گھنٹوں میں صوبہ پنجاب  میں ڈینگی کے 10 کیسز رپورٹ ہوئے ہیں۔ محکمۂ پرائمری اینڈ سیکنڈری ہیلتھ کیئر پنجاب کی جانب سے ڈینگی کے اعداد و شمار جاری کیے گئے ہیں۔ محکمۂ صحت پنجاب کے ترجمان کے مطابق گزشتہ 24 گھنٹوں میں صوبے میں ڈینگی کے 10 کیسز رپورٹ ہوئے ہیں۔ محکمۂ صحت پنجاب کا کہنا ہے کہ گزشتہ ہفتے کے دوران صوبۂ پنجاب میں 54 جبکہ رواں سال ڈینگی کے 357 کیسز رپورٹ ہو چکے ہیں۔محکمۂ صحت پنجاب کے مطابق ڈینگی کے لاہور سے 5، راولپنڈی سے 4، چکوال سے 1 کیس رپورٹ ہوا ہے۔