لاہور(پ ر) مسلم لیگ (ن) کے رہنماوسابق ممبر پنجاب اسمبلی رمضان صدیق بھٹی نے کہا ہے کہ میٹروبس سروس کی تعمیر اور تکمیل سے اب لاہورکا موازنہ دنیا کے کسی بھی جدید شہر سے کیا جا سکتا ہے۔ میاں شہبازشریف نے تعمیراتی اورتعلیمی انقلاب برپاکرتے ہوئے لاہور کا نقشہ بدل دیا۔ ڈینگی وباکے سدباب کیلئے میاں شہبازشریف کی کمٹمنٹ اوران کا ورکنگ سٹائل دیکھ کرسری لنکا سے آئے ماہرین بھی حیران رہ گئے تھے۔ وہ گلشن یاسین کالونی یونین کونسل136میں انتخابی دفتر کا افتتاح کرنے کے بعد شرکاءسے خطاب کر رہے تھے۔ غلام حسین بھٹی، لیاقت ورک، مہرراشد، مہرخوشی، ماسڑ رحمت، چودھری اکرم، میڈم ثمینہ، میڈم آمنہ خانم، وارث مغل، ملک یونس اور ملک عارف پرویزنے بھی خطاب کیا۔