کولکتہ (سپورٹس ڈیسک) ویسٹ انڈیز ویمن ٹیم کی کپتان سٹیفنی ٹیلر نے کہا ہے کہ دفاعی چیمپئن آسٹریلیا سے خوفزدہ نہیں، پہلی بار ورلڈ ٹی ٹونٹی ٹائٹل جیتنے کیلئے فائنل میں حریف ٹیم کے خلاف ڈٹ کر مقابلے کیلئے تیار ہیں۔ انہوں نے کہا کہ ٹیم کا مورال بلند ہیں اور کھلاڑی آسٹریلیا کو فائنل میں شکست دے کر ٹائٹل جیتنے کیلئے بے تاب ہیں، ہم مثبت مائینڈ کے ساتھ میدان میں اتریں گی۔ انہوں نے کہا کہ آسٹریلوی ٹیم اچھی کرکٹ کھیل رہی ہے اسے ہرانا مشکل ضرور ہے لیکن نا ممکن نہیں، پہلی بار ٹائٹل جیت کر ملک کو خوشیوں کا تحفہ دینے کیلئے ٹیم کی ہر کھلاڑی کو اپنی ذمہ داری احسن طریقے سے نبھانا ہو گی۔