کراچی: شہری کی فائرنگ سے ڈاکو ہلاک دوسرا فرار

کراچی (کرائم رپورٹر) الفلاح کے علاقے رفاع عام سوسائٹی میں ڈاکوئوں کی ممتاز شیعہ ذاکر صفدر شاہ اور ان کے اہل خانہ کو لوٹنے کی کوشش کی تو صفدر شاہ نے اپنے لائسنس یافتہ پستول سے فائرنگ کر کے ایک ڈاکو کو مار گرایا جبکہ دوسرا فرار ہونے میں کامیاب ہو گیا۔ واقعہ ہفتہ اور اتوار کی درمیانی شب تقریباً ساڑھے تین بجے اس وقت پیش آیا جب صفدر شاہ اپنے اہل خانہ کے ہمراہ اپنے برادر نسبتی کی مہندی کی تقریب میں شرکت کے بعد گھر جا رہے تھے۔