مصری صدر السیسی آج امریکی ہم منصب ٹرمپ سے ملاقات کریں گے

واشنگٹن (اے پی پی ) مصر کے صدر عبدالفتاح السیسی آج پیر واشنگٹن میں امریکی صدر ڈونلڈ ٹرمپ سے ملاقات کریں گے۔ 2014 میں صدر کا عہدہ سنبھالنے والے السیسی کا یہ پہلا سرکاری دورہ امریکہ ہے۔ السیسی کے امریکہ روانہ ہونے سے قبل قاہرہ میں صدارتی ترجمان نے بتایا کہ دونوں رہنما اپنی ملاقات میں علاقائی اور عالمی امور پر گفتگو کرنے کے علاوہ باہمی تعلقات میں مزید بہتری کے حوالے سے بھی بات کریں گے۔ یاد رہے کہ اوباما کے دور صدارت کے آخری مراحل میں واشنگٹن اور قاہرہ کے تعلقات میں سرد مہری نوٹ کی گئی تھی۔