اسلام آباداورراولپنڈی میں وقفے وقفے سے بارش،موسم خوشگوار

وفاقی دارالحکومت اسلام آباد اور راولپنڈی میں وقفے وقفے سے بارش ہوئی جس کے نتیجے میں موسم خوشگوار ہو گیا ہے۔اسلام آباد، مالاکنڈ ،مانسہرہ اور ایبٹ آباد میں گرج چمک کے ساتھ بارش ہوئی۔استور میں بھی وقفے وقفے سے ہلکی بارش کا سلسلہ جاری رہا جبکہ آزادکشمیر کے شہر میرپور اور گردو نواح میں تیزہواوں کے ساتھ ہلکی بارش ہوئی ،ادھر فیصل آباد،پاکپتن شہر اور گرد و نواح میں مطلع جزوی طور پر ابرآلود رہا۔محکمہ مو سمیات کی جانب سے   اسلام آباد، راولپنڈی، پشاور، مالاکنڈ، ہزارہ، کوہاٹ، بنوں، کوئٹہ، ژوب، بالائی فاٹا، کشمیر اور گلگت بلتستان میں ہلکی بارش کی پیش گوئی کی گئی ہے۔