رحیم یارخان (صباح نیوز) رحیم یارخان میں ترنڈا سوائے خان کے قریب مال گاڑی کی 13 بوگیاں پٹری سے اتر گئیں جس کے نتیجہ میں اپ اور ڈائون ٹریک پر ٹرینوں کی آمدورفت معطل ہو گئی۔ جس کے بعد اپ اور ڈائون ٹریک پر متعدد مسافر ٹرینوں کو مختلف مقامات پر روکا گیا۔ بتایا گیا ہے کہ رحمان بابا اور عوام ایکسپریس صادق آباد پر، ہزارہ ایکسپریس رحیم یارخان سٹیشن پر، بابا فرید ایکسپریس خان پور پر اور عوام ایکسپریس آدم صحابہ پر کھڑی ہو گئیں۔ ریلوے حکام کے مطابق کافی جدوجہد کے بعد اپ ٹریک کو ٹرینوں کی آمد و رفت کے لیے کھول دیا گیا۔ متاثرہ مال گاڑی کا ملبہ ہٹا دیا گیا۔