یو این ڈی پی نمائندے کی ملاقات، پائیدار ترقی اور غربت کا خاتمہ ترجیح،شاہ محمود

اسلام آباد(خبرنگار)وزیر خارجہ سے اقوام متحدہ کے ترقیاتی پروگرام (یو این ڈی پی) کے پاکستان میں نمائندے کی ملاقات، وزیر خارجہ مخدوم شاہ محمود قریشی نے  اقوام متحدہ کے ترقیاتی پروگرام (یو این ڈی پی) کے نئے نمائندے ، مسٹر نٹ آسٹبی ،کا استقبال کیا۔ زیر خارجہ نے مسٹر اوسٹبی کو ان کی حالیہ تقرری پر مبارکباد  دی اور گلوبل ساؤتھ کے ذریعہ پائیدار ترقیاتی اہداف (ایس ڈی جی) کے حصول میں یو این ڈی پی کی مثبت شراکت کی تعریف کی۔وزیر خارجہ نے کہا کے پائیدار ترقی اور غربت کا  خاتمہ حکومت کی اولین ترجیحات میں شامل ہیں ، وزیر خارجہ نے کہا کے اقتصادی ڈپلومیسی کے ذریعہ تجارت اور غیر ملکی سرمایہ کاری کے ذریعے معاشرتی و اقتصادی ترقی پر توجہ دینے پر روشنی ڈالی۔ ملک کے پسماندہ خطوں میں لوگوں کو درپیش چیلنجوں کو اجاگر کرتے ہوئے وزیر خارجہ نے یو این ڈی پی سے ان علاقوں میں اپنے ترقیاتی کاموں میں اضافہ کرنے کا مطالبہ کیا۔ وزیر خارجہ نے ٹھوس موضوعاتی علاقوں کو بھی تجویز کیا جہاں یو این ڈی پی حکومت کی ترقیاتی ترجیحات کے مطابق کوششیں کرسکتی ہے۔مسٹر آسٹبی نے وزیر خارجہ کو یو این ڈی پی کی ملک میں جاری سرگرمیوں سے آگاہ کیا اور پاکستان کے ساتھ ترقیاتی شراکت داری کو مزید تقویت دینے کے بارے میں تبادلہ خیال کیا۔ انہوں نے یو این ڈی پی کی طرف سے  وزیرخارجہ کو پاکستان کے ترقیاتی مقاصد اور ترجیحات کے لئے جاریہ تعاون کی یقین دہانی کرائی۔