شیعہ مسنگ پرسنز،جوائنٹ ایکشن کمیٹی  کا ایم جناح روڈنمائش چورنگی پردھرنا

کراچی (وقائع نگار)جوائنٹ ایکشن کمیٹی فار شیعہ مسنگ پرسنز کے رہنمائوں نے ایم جناح روڈنمائش چورنگی پردھرنادیدیا،نمازجمعہ کے بعد مظاہرین نے پرانی نمائش کی جانب مارچ شروع کردیا،احتجاجی دھرنے کی وجہ سے ایم جناح روڈاوراطراف کی شاہراہوں پرشدیدٹریفک جام ہوگیا،ترجمان ٹریفک پولیس کے مطابق ایم اے جناح روڈپر دھرنے کی وجہ سے ایک ٹریک کیپری سے نمائش کے لیے فی الحال بند کر دیا گیا ٹریفک پولیس کی جانب سے متبادل راستے تبت چوک سے آنے والے شہریوں کے لیے کیپری سے دائیں جانب صدر دواخانہ سے کوریڈور III کا راستہ اختیار کرنے یا کیپری چوک سے بائیں جانب بہادر یار جنگ روڈ (سولجر بازار) سے گرومندر کا راستہ اختیار کرنے کی ہدایات دی گئیں ۔