احمد رُشدی کی 38ویں برسی پر یادگاری ٹکٹ جاری کیاجائے،سبطین نقوی 

کراچی(نیوز رپورٹر)سینئر صحافی و کالم نویس اور پاکستانیز ہیروز ویلفئیر آرگنائزیشن کے جنرل سیکٹری ایس۔ ایم سبطین نقوی نے ایوان آرگنائزیشن میںاجلاس منعقد کیا جس میں احمد رُشدی آرٹ آکیڈمی و پاکستانی فلم لورز اور ریکس میڈیا کے تمام عہدیداران و ممبران نے جن میں سید ذوالفقار حسین شاہ، شیخ احسن علی، شہاب علی، قیصر جمال، نفیس احمد خان ، صدر انجینئر اسداللہ قریشی ، نائب صدر محمد نسیم اللہ، روشاد علی خان ، عبدالسلام، محمد حنیف نکدہ،اکبر خان کیانی، محمد عارف قادری، چئیرپرسن سونیا کرامت نے شرکت کی۔اجلاس سے خطاب کرتے ہوئے جنرل سیکریٹری ایس۔ایم سبطین نقوی نے اسلامی جمہوریہ پاکستان کے صدر ڈاکٹر محمد عارف علوی، وزیرا عظم عمران خان ،گورنر عمران اسماعیل ، وزیر اعلیٰ سندھ سیّد مراد علی شاہ سے برصغیر کے عظیم گلوکار احمد رشدی کی38ویں برسی کے موقع پر اُن کے نام سے یادگاری ٹکٹ کے اجراء کی اپیل کرتے ہوئے کہا کہ 11اپریل کو اس عظیم گلور کار کی ملک بھر میں 38ویں برسی بنائی جارہی ہے اس موقع پر لاکھوں مداحوں کی اپیل ہے کہ ان کے نام سے جلد ازجلد یادگاری ٹکٹ کا اجراء کیاجائے۔