پروفیسر ڈاکٹر طارق محمود انصاری کی خدمات ناقابل فراموش ہیں:آصفہ سلیم ملک

ملتان (نمائندہ نوائے وقت ) چائلڈپروٹیکشن اینڈ ویلفیئر بیورو کی فوکل پرسن اورسٹی صدر پی ٹی آئی خواتین ونگ آصفہ سلیم ملک اور چیف کوآرڈینیٹر سول سوسائٹی فورم گلناز کاشف نے کہا کہ پروفیسر ڈاکٹر طارق محمود انصاری کی خدمات ناقابل فراموش ہیں۔دوران ملازمت فرائض کی ادائیگی میں فرض شناسی آپ کا طرۂ امتیاز رہا ہے۔ان خیالات کا اظہار انہوں نے گذشتہ دنوں بہاء الدین زکریا یونیورسٹی کے سابق وائس چانسلر وڈین آف سائنسز پروفیسر ڈاکٹر طارق محمود انصاری کی ریٹائرمنٹ کے موقع پر پھول پیش کرتے ہوئے کیا۔جبکہ سماجی رہنما چوہدری منصور احمد اور شاہد محمود انصاری بھی اس موقع پر ہمراہ تھے۔