ان ڈور اسٹیج ون آرچری :اکمل اور شہوارناصر نے میدان مار لیا

کراچی (اسپورٹس رپورٹر)اسٹیج ون ان ڈور آرچری چیمپئن شپ میں اکمل خان اور شہوار ناصر نے میدان مار لیا جبکہ ٹیم ٹائٹل کیو اے اے کے نام رہا جبکہ کلب رینکنگ میں کیو اے اے نے تین گولڈ اور تین سلور میڈلز کے ساتھ پہلی پوزیشن حاصل کی۔ پاکستان کی تاریخ کے پہلے ان ڈور اسٹیج ون آرچری ایونٹ کا شاندار اور کامیاب انعقاد این ای ڈی یونیورسٹی کے جمنا زیم میں کیا گیا تھا جس میں 300سے زائد سینئر ،جونیئرز ،پروفیشنلز ،امیچورز ،بوائز اور گرلز تیر اندازوں نے اپنی بہترین صلاحیتوں کے جوہر دکھائے تھے،یہ پہلا موقع تھا کہ آرچری کے کسی ایونٹ میں لاکھوں روپے کے انعامات بھی تقسیم کئے گئے ۔مہمان خصوصی راشد قریشی نے انعامات تقسیم کئے۔ اس موقع پر ایشیا کے سند یافتہ آرچری کوچ حسان عبداللہ اوردیگر بھی موجود تھے۔