کراچی (کامرس رپورٹر) صوبائی وزیر اطلاعات شرجیل انعام میمن نے شاہ محمود قریشی کی پریس کانفرنس پر ردعمل دیتے ہوئے کہا ہے کہ شاہ محمود قریشی موسم دیکھ کر پارٹیاں اور قائد تبدیل کرتے رہتے ہیں۔شرجیل انعام میمن نے اپنے ٹوئٹ میں کہا کہ پیپلز پارٹی نے شاہ محمود کو رنگے ہاتھوں سازش کرتے ہوئے پکڑا۔ انہوں نے کہا کہ عمران نیازی کو سب سے زیادہ خطرہ لوٹے شاہ محمود سے ہے۔ شاہ محمود جیسے احسان فراموش لوگوں کے لئے یہ قول کافی ہے  جس پر احسان کرو ، اس کے شر سے ڈرو۔